"Mançester Yunayted"in portuqaliyalı baş məşqçisi Ruben Amorim komandasının cari mövsümdəki uğursuz nəticələri ilə bağlı fikirlərini bölüşüb.
90deqiqe.Az xəbər verir ki, təcrübəli çalışdırıcı bu barədə jurnalistlərə açıqlamasında danışıb.
"Biz "Mançester Yunayted" tarixinin bəlkə də ən pis komandasıyıq. Bilirəm ki, başlıqlar istəyirsiniz, amma bunu ona görə deyirəm ki, biz bunu etiraf edib dəyişdirməliyik”
İngiltərə çempionatının 22-ci turunda Amorimin komandası evdə "Brayton"a 1:3 hesabı ilə uduzub. Bu, artıq “qırmızı şeytanlar”ın cari mövsümdə onuncu məğlubiyyətidir.“Mançester Yunayted” hazırda 26 xalla Premyer Liqa turnir cədvəlinin 13-cü pilləsində qərarlaşıb.
