"Paris Olimpiadasından sonra mənim də medalım bərbad vəziyyətə düşdü".
Bu sözləri apasport.az-a açıqlamasında Paris-2024-ün yunan-Roma güləşi üzrə bürünc mükafatçısı Həsrət Cəfərov deyib.
Cəfərov turnirdən cəmi 3 gün sonra medalın keyfiyyətini itirdiyini bildirib:
"Vətənə qayıdanda məni qarşılayan insanlar medalımın keyfiyyətsiz olduğunu bildirdilər. Hər kəs məndən soruşurdu ki, medalın niyə bu vəziyyətdədir? Halbuki mən medalımı 3 gün öncə almışdım. Medalım cəmi 3 günə bərbad hala düşmüşdü. İndi də gün keçdikcə vəziyyət daha da pisləşir. Medalın rəngi gedir, həmçinin paslanır".
O da bir çox idmançı kimi medalını geri qaytarmağı düşünür:
"Yeni və keyfiyyətli medalla əvəz edəcəklərini bilsəm, mən də medalımı geri qaytarardım".
Qeyd edək ki, dünya üzrə 100-dən çox idmançı Paris-2024 Yay Olimpiya Oyunlarında qazandıqları medallar keyfiyyətsiz olduğu üçün medalları turnirin Təşkilat Komitəsinə göndəriblər.
Nərmin Vüqarqızı
"Turan Tovuz"la oyun "Kəpəz"in iki futbolçusu üçün əlamətdar olub
"Qəbələ" "Mingəçevir"i darmadağın etdi
Andrey Ştoqrin: “Neftçi” kimi böyük komandada qol vurmaq qürurdur”
Samir Abasov: “Oyun intizamını düzəltmək lazımdır”
Vasili Berezutski: “Bir az üstünlüyümüz var idi”
