Azərbaycanın Əməkdar hüquqşünası, professor, Rusiya Elmlər Akademiyasının akademiki, Qara dəniz- Xəzər regionu ölkələrinin Hüquqşünaslar Assosiasiyasının prezidenti İlham Rəhimovu Azərbaycanda təkcə elm adamı kimi deyil, həm də xeyriyyəçi kimi dəyərləndirirlər... Etdiklərini dilə gətirməyib reklam etdirməyən Professorun xeyriyyəçiliyi heç vaxt müzakirə mövzusu olmayıb... Və o, ümumiyyətlə, xeyriyyəçiliyindən danışmağı da heç vaxt qəbul etməyib... "Edilən yaxşılıq heç vaxt müzakirə mövzusu olmamalıdır!" deyən Professorun bir neçə gün sonra atdığı daha bir addım barədə isə, məncə, bu dəfə danışmağa dəyər...
XXX
Tovuzun Cilovdarlı kənd məktəbi uzun illərin yadigarı olsa da, həm də uzun illərin baxımsızlığından tədris üçün yararsız halda idi. Professor İlham Rəhimov bir müddət əvvəl kənddə yeni məktəb binasının tikintisinə könül verdi... Və bir neçə gündən sonra açılışı olacaq məktəbin tikintisindən ötən zaman içindı kimsənin xəbəri olmayıb.
