“Barmaqlarınızdakı uyuşmanın səbəblərindən biri narahat yuxu mövqeyi ola bilər”
News24.az medianews.az-a istinadən xəbər verir ki, bunu terapevt Zoui Uiliyams deyib.
Həkim bildirib ki, gecə saatlarında barmaqların keyiməsi çox vaxt əllərdə sinirlərin sıxılmasının əlamətidir. Baş barmaq, şəhadət və orta barmaqlar uyuşarsa, bu, median siniri sıxan karpal tunel sindromunu göstərə bilər. Şəhadət və kiçik barmaqlarınız sancırsa, böyük ehtimalla dirsək siniri sıxılmışdır.
Həkim vurğulayıb ki, ən çox sinirlərin sıxılması yuxu zamanı əzaların narahat vəziyyətdə olması və ya dirsəyə uzun müddət dirənməsi nəticəsində yaranır.
Bundan əlavə, terapevt qeyd edib ki, bəzi dərmanların sinir zədələnməsi, vitamin çatışmazlığı, diabet və spirtdən sui-istifadə uyuşmaya səbəb ola bilər.
