Ermənistanın baş naziri Nikol Paşinyan Boludakı hoteldə baş verən yanğın səbəbilə Türkiyəyə başsağlığı verib.
Modern.az xəbər verir ki, bu barədə o, "X" hesabında yazıb.
"Boludakı faciə nəticəsində həlak olanların ailələrinə başsağlığı verirəm. Yaralılara şəfa diləyirəm",- N.Paşinyan qeyd edib.
Xatırladaq ki, Türkiyənin Bolu vilayətində yerləşən Kartalkaya xizək mərkəzində 12 mərtəbəli hoteldə baş verən yanğında 76 nəfər həyatını itirib, onlarla insan yaralanıb.
Ölkənin daxili işlər naziri Ali Yerlikaya bildirib ki, 12 mərtəbəli hoteldə 238 qonaq qeydiyyatdan keçib. Səhiyyə naziri Kamal Memişoğlu yaralılardan bəzilərinin evə buraxıldığını bildirib.
