Ermənistanın Baş Prokurorluğu 2008-ci ilin “1 mart işi” üzrə keçmiş müdafiə naziri Seyran Ohanyana qarşı yeni ittihamlar irəli sürüb.
Modern.az xəbər verir ki, Ohanyan güc tətbiq etməklə vəzifə səlahiyyətlərindən sui-istifadədə ittiham olunur.
Korrupsiyaya qarşı mübarizə üzrə məhkəmədə prokuror Ohanyanın 2008-ci ildə Silahlı Qüvvələrin Baş Qərargah rəisi vəzifəsində işləyərkən digər şəxslərin iştirakı ilə açıq-aşkar səlahiyyət həddini aşan hərəkətlərə yol verməsi ilə bağlı ittiham irəli sürüb. İttihama görə, onun hərəkətləri ağır nəticələrə gətirib çıxarıb.
Bu əməlin cəzası 4 ildən 8 ilədək azadlıqdan məhrumetmədir.
