Futbol üzrə Azərbaycan Premyer Liqasında XX turun növbəti oyununda "Səbail" "Kəpəz"i qəbul edib.
Teleqraf.com xəbər verir ki, turnir cədvəlinin son iki pilləsində qərarlaşan komandaların oyununda meydan sahibləri daha güclü olub - 1:0.
Oyunda yeganə qolu 11-ci dəqiqədə "dənizçilərin" bissau-qvineyalı futbolçusu Madi Queta vurub.
Bununla da xallarını 15-ə çatdıran "Səbail" 14 xalı olan "Kəpəz"i keçərək 9-cu pilləyə yüksəlib.
Qeyd edək ki, XX turun açılış matçında "Zirə" "Şamaxı"nı səfərdə 2:1 hesabı ilə məğlub edib.
Müəllif: Royal Həsənov
