İran Rusiyanın “Su-35” təyyarələrinin bir partiyasını alıb. Məlumatı yanvarın 27-də İslam İnqilabı Keşikçiləri Korpusunun generalı Əli Şadmani təsdiqləyib.
O, Rusiya Federasiyasından nə qədər təyyarə alındığını dəqiqləşdirmədən onların hamısının ölkənin müdafiə qabiliyyətini gücləndirmək üçün lazım olduğunu vurğulayıb. “Lazım gəldikdə, hava, quru və dəniz qüvvələrimizi gücləndirmək üçün hərbi texnikanın alınmasını həyata keçirəcəyik”, – Əli Şadmani deyib.
Yada salaq ki, bir neçə gün əvvəl məlum olmuşdu ki, yaxın iki ay ərzində Rusiya Federasiyası və İran Rəşt-Astara dəmir yolunun tikintisi ilə bağlı sazişi rəsmiləşdirəcəklər.
//Samir Qurbanov, Editor.az
