Səsvermə prosesinin normal keçdiyi, hər hansı şikayətin daxil olmadığı bildirilib.
Bunu “Report”un Qarabağ bürosuna açıqlamasında 97 saylı Tərtər-Ağdərə-Goranboy Dairə Seçki Komissiyasının (DSK) sədri Həmid Mehdiyev deyib.
Onun sözlərinə görə, səsvermə prosesi başlayandan etibarən, hər hansı pozuntu qeydə alınmayıb:
“Ümumilikdə dairə üzrə seçici fəallığı müşahidə olunur. 45 min 288 seçicinin qeydiyyatda olduğu dairədə 3-ü qapalı olmaqla 53 seçki məntəqəsi fəaliyyət göstərir.
Seçicilərdən 249-u ilk dəfə səsvermə hüququndan istifadə edəcək. Dairə üzrə qeydiyyatda olan 10 seçicinin yaşı 100-dən yuxarıdır. Bələdiyyə üzvlüyünə 94 yer uğrunda 185 namizəd mübarizə aparır.
Səsvermənin gedişini 552 müşahidəçi izləyir. Dairə üzrə 9 seçki məntəqəsi veb-kamera ilə təchiz olunub”.
