Məntəqə sədri: “Seçicilər yüksək əhval ruhiyyə ilə səsverməyə gəlirlər”.

39 saylı Kəpəz birinci Gəncə şəhər seçki dairəsinin 12 saylı məntəqəsi üzrə 210 vətəndaş öz seçici hüquqlarından istifadə edib.

Məntəqə sədri Qurban Qurbanov Bizim.Media-ya açıqlamasında heç bir hüquq pozuntusu qeydə alınmadığını bildirib.

Onun sözlərinə görə məntəqə üzrə 1329 nəfər qeydiyyatda seçici var və bu saata görə fəallıq yüksəkdir:

“Hal hazıra qədər seçicilərin 16%-i səsvermə hüququndan istifadə edib. Fəalliq yüksəkdir. Seçicilərimiz yüksək əhval ruhiyyə ilə məntəqəmizə gələrək layiqli namizədinə sərbəst şəkildə səs verirlər”, - deyə məntəqə sədri əlavə edib.

Bildirək ki, Gəncədə 4 dairədə 158 məntəqədə 200 mindən çox səsvermə hüququ olan vətəndaş səs verəcək. Seçkiləri ümumilikdə 2000 çox müşahidəçi izləyir, məntəqələrdə 40 veb kamera quraşdırılıb. Gəncədə 4 dairədən 84 namizəd 38 yer uğrunda mübarizə aparır.





Məqsəd Rəhimov, Bizim.Media, Qərb Bürosu

• Gəncə
• Seçki
• Səsvermə
• Qurban Qurbanov
• Hüquq Pozuntusu
• Məntəqə Sədri
• Fəallıq