Yaxın gələcəkdə Azərbaycan, Türkiyə, Özbəkistan üçün ticarət həcmini iki dəfə artırmaq imkanı var.
"Report"un məlumatına görə, bunu Özbəkistanın xarici işlər naziri Baxtiyor Saidov Ankarada keçirilən Azərbaycan-Türkiyə-Özbəkistan xarici işlər, iqtisadiyyat/ticarət və nəqliyyat nazirlərinin 2-ci üçtərəfli görüşündən sonra üç ölkənin xarici işlər nazirlərinin birgə mətbuat konfransında deyib:
“Son illər ikitərəfli və çoxtərəfli formatlarda əməkdaşlığımız görülməmiş səviyyədə inkişaf edib. Görüşdə əməkdaşlığı daha da genişləndirmə yollarını müzakirə etdik. Özbəkistan açıq, praqmatik bir xarici siyasət yürüdür. Biz uzaq və yaxın coğrafiyada strateji tərəfdaşlarımızla əməkdaşlığı dərinləşdirməkdə qərarlıyıq. Özbəkistan üçtərəfli əməkdaşlıqdan faydalanaraq yeni fürsətlər yaratmağın tərəfdarıdır”, - Nazir əlavə edib.
