Ronald Reyqan adına Vaşinqton Beynəlxalq hava limanı təyyarə ilə bağlı fövqəladə vəziyyətə görə uçuşları dayandırıb...
Poliqon xəbər verir ki, bu barədə hava limanının X sosial şəbəkəsində yaydığı məlumatda bildirilir. Qeyd edək ki, Ronald Reyqan adına Vaşinqton Beynəlxalq hava limanıında kommersiya təyyarəsi hava limanı üzərində helikopterlə toqquşub və Potomak çayına düşüb.
X sosiaı şəbəkəsində yayımlanan CCTV görüntülərində təyyarənin yerə enmək ərəfəsində helikopterə çırpılması, partlayış baş verdiyi, daha sonra təyyarənin qalıqlarının çaya düşdüyü görünür. Təsdiqlənməmiş məlumata görə, təyyarənin göyərtəsində 60 nəfər olub. WUSA9-un yayımına görə, hadisə yerində onlarla xilasedici qayıq var.
ABŞ Federal Aviasiya Administrasiyasının məlumatına görə, hava limanının saat 23:00-a qədər (30 yanvar Moskva vaxtı ilə 07:00) uçuşları qəbul etməsi və ya göndərməsi gözlənilmir və uçuş-enmə zolağı manevrləri saat 22:30-a (Bakı vaxtı ilə 07:30) qədər dayandırılıb. Bu barədə WJLA-TV məlumat yayıb.
Poliqon.info
