HƏMAS daha 3 girovu Beynəlxalq Qırmızı Xaç Cəmiyyətinə təhvil verib.
Xezerxeber.az xəbər verir ki bu barədə İsrail mediası bildirib.
Məlumata görə, onların azadlığa buraxılması müqabilində İsrail 110 fələstinli məhbusu həbsdən azad edəcək. Beş Tailand vətəndaşının da bu gün azad edilə biləcəyi bildirilir.
Üçüncü girov mübadiləsi Qəzzada öldürülmüş HƏMAS lideri Yəhya Sinvarın evinin qarşısında keçirilir.
12:39
HƏMAS-ın hərbi qanadı olan "Əl-Qəssam" briqadaları israilli əsir Agam Bergeri Qəzza zolağındakı Cəbaliya düşərgəsində Beynəlxalq Qızıl Xaç Komitəsinə (BQXK) təhvil verib.
Xezerxeber.az xəbər verir ki, bu barədə “Al Jazeera” telekanalı məlumat yayıb.
Telekanalın hadisə yerindən apardığı yayımda Bergerin BQXK-nın avtomobilinə mindiyi göstərilib.
Qeyd edilib ki, digər iki girov Qəzza zolağının cənubundakı Xan-Yunisdə təhvil veriləcək.
"Əl-Qəssam" briqadaları daha əvvəl Arbel Yehud da daxil olmaqla, üç girovu azad edəcəyini bəyan etmişdi.
