3x3 basketbol üzrə Avropa Kubokunun təsnifat mərhələsində millilərimizin rəqibləri müəyyənləşib
Offsideplus.az xəbər verir ki, 7-8 iyun Kosovonun Priştina şəhərində 3x3 basketbol üzrə Avropa Kubokunun (2025) təsnifat mərhələsinin oyunları baş tutacaq. Təsnifat oyunlarında həm kişi, həm də qadın millilərimiz əsas mərhələyə vəsiqə qazanmaq uğrunda mübarizə aparacaqlar. Kişilərdən ibarət millimiz İrlandiya, Kosovo, Kipr, Albaniya, Malta seçmələri ilə, qadın millimiz isə İrlandiya, Kosovo, Kipr, Malta yığmaları ilə üz-üzə gələcək. Qeyd edək ki, həm kişi, həm də qadın kateqoriyasında yalnız təsnifat mərhələsinin qalibi Avropa Kubokunun (2025) əsas mərhələsində iştirak etmək hüququ qazanacaq.
