Azərbaycan çempionu “Qarabağ”ın baş məşqçisi Qurban Qurbanov dünyanın ən güclü məşqçilərinin reytinq siyahısında geriləyib.
Arena.az xəbər verir ki, dünyanın ən güclü məşqçilərinin dekabr reytinqi açıqlanıb.
Siyahıda planetin 500 ən güclü mütəxəssisi yer alıb. Cədvəldə yeganə azərbaycanlı məşqçi Qurban Qurbanovdur. “Qarabağ”ın baş məşqçisi 1646 xala malikdir. 52 yaşlı mütəxəssis dünyada 160-cıdır.
Qurban Qurbanov ötən cədvəllə müqayisədə 12 xal itirib. Bu, 14 pilləlik geriləməyə səbəb olub.
“Turan Tovuz”un rusiyalı baş məşqçisi Kurban Berdıyev 1796 xalla dünyada 58-cidir. O, bir addım geriləyib.
Millimizi çalışdıran Fernando Santos isə 1624 xalla siyahıda 185-cidir. Onlardan fərqli portuqaliyalı mütəxəssis 7 pillə irəliləyib. Lakin Santos Qurbanovla Berdıyevdən geri qalır.
Siyahıya “Mançester Siti”nin 2162 xala malik çalışdırıcısı Pep Qvardiola başçılıq edir.
