İnsan yaşlandıqca bədəndə ağrıların artması müşahidə edilir. Yaşlılıq ürək xəstəlikləri, osteoporoz və idrak qabiliyyətinin azalması kimi problemlər ortaya çıxara bilər. Buna görə yaşlı insanlara fiziki və idrak qabiliyyətini yaxşılaşdırmaq üçün meyvə, tərəvəz, qoz-fındıq və taxıllarla zəngin pəhrizli qidalanmaq tövsiyə olunur.
Sfera.az “Health Digest” nəşrinÉ™ istinadÉ™n xÉ™bÉ™r verir ki, yaÅŸlı insanlar orqanizmin normal fÉ™aliyyÉ™t göstÉ™rmÉ™si üçün hökmÉ™n hÉ™r gün adıçəkilÉ™n qidalarla yanaşı, yumurta da yemÉ™lidir.
Tibbi rəyə görə, yumurtanın tərkibində sağlam qocalma üçün vacib olan bəzi əsas qidalar var. Yumurta yüksək keyfiyyətli zülalın ən yaxşı mənbələrindən biri hesab edilir. O, B12 vitamini ilə zəngindir, həmçinin onda xolin və D vitamini daxil olmaqla mühüm qida maddələri mövcuddur.
Nəşr xatırladır ki, 2018-ci ildə Amerika Qidalanma Kollecinin Jurnalında dərc edilən bir araşdırmada yumurtada kolin və luteinin çox olduğu, bunun insanda beyin inkişafını təşviq etdiyi və sonrakı həyatda beyin funksiyalarındakı geriləmənin qarşısını ala biləcəyi qeyd edilib.
2024-cü ildə aparılan bir araşdırma isə üzə çıxarıb ki, orta yaşda yumurta yeyən insanların zehninin iş qabiliyyəti sonrakı həyatlarında daha yaxşı olur. Araşdırma göstərib ki, daha çox yumurta yeyən 60 yaşdan yuxarı kişilər daha az yumurta yeyənlərlə müqayisədə 16 ildən sonra yaddaş testlərində daha yaxşı nəticə göstəriblər. Bundan əlavə, yumurta kalsium və xüsusi karotenoidlərlə birlikdə sümük sağlamlığını qorumağa kömək edən D vitamininin bir neçə təbii qida qaynağından biridir.
2021-ci ildə aparılan bir araşdırmaya görə, daha çox yumurta yeyən şəxsin sümüklərinin sıxlığının yaşlandıqda belə daha yüksək olduğu üzə çıxıb. Buna görə də tibbi araşdırmalar zülal mübadiləsində baş verən dəyişiklikləri kompensasiya etmək üçün, xüsusilə yaşlı insanların müntəzəm yumurta istehlak etmələrinin vacib olduğunu göstərir.
Vasif
Sfera.az
