Gürcüstan parlamentinin sədri Şalva Papuaşvili siyasi böhrandan çıxış yolu kimi Fransa hakimiyyətini yeni seçkilər keçirməyə çağırıb.
Bizim.Media xəbər verir ki, bu barədə o, özünün X səhifəsində yazıb.
“Mənim Fransanın daxili işlərinə qarışmaq fikrim yoxdur, amma nəzərə alsaq ki, fransızların 61%-i prezident Emmanuel Makronun istefasını dəstəkləyir və 50%-i Milli Assambleyanın buraxılmasını istəyir. Bu baxımdan siyasi böhranı həll etmək üçün yeni seçkilər yaxşı həll yolu ola bilər", deyə qeyd edib.
Xatırladaq ki, Makron bazar ertəsi Rusiyanın qonşularına qarşı “daha aqressiv” olduğunu deyib və buna misal olaraq 26 oktyabr 2024-cü ildə Gürcüstanda keçirilən parlament seçkilərini göstərib.
Fransa liderinin sözlərinə görə, Rusiya Gürcüstanda seçki prosesini pozmağa çalışıb.
Bizim.Media
