Müəllif:Ayşən İmanova/Banco.az
Polşa hökuməti Baltik dənizi sahilində ölkənin ilk Atom Elektrik Stansiyasının (AES) tikintisinə 60 milyard zlotıdan (15 milyard dollar) çox vəsait ayırmaq qərarına gəlib.
Banco.az xəbər verir ki, bu barədə Polşa Baş nazirinin ofisinin saytında dərc olunmuş məlumatda deyilir.
"Hökumət Polşanın ilk Atom Elektrik Stansiyasının tikintisi layihəsinin həyata keçirilməsi üçün vəsait ayırmaq qərarına gəlib. 2025-2030-cu illər arasında “Polskie Elektrownie Jądrowe” şirkəti enerji sektoruna bu strateji sərmayəni dəstəkləmək üçün 60,2 milyard zlotı alacaq", - məlumatda bildirilir.
