“Harri Potter” filmlərində professor Flitvik rolu ilə tanınan aktyor Uorvik Devis həyat yoldaşı Samantanın ölümündə həkimlərin günahkar olduğunu deyib.
Medianews.az “Lenta.ru”ya istinadən xəbər verir ki, bu barədə Daily Mail məlumat yayıb.
Mənbənin sözlərinə görə, aktyor həyat yoldaşının müalicə olunduğu xəstəxananı məhkəməyə verib. Onun fikrincə, qadın həkim səhlənkarlığının qurbanı olub.
İstintaqın yaxın günlərdə başlayacağı bildirilir. İstintaq Samantanın müalicəsinin onun xəstəliyinin xüsusiyyətlərinə və dərəcəsinə uyğun olub-olmadığını müəyyən etməli olacaq.
2019-cu ildə aktrisanın sepsis xəstəliyinə tutulduğu və reanimasiyaya yerləşdirildiyi məlum olub. Onurğa əməliyyatları London Universitet Kolleci Xəstəxanasında aparılıb. Davisin sözlərinə görə, ölümə səbəb məhz bu tibb müəssisəsi olub.
