Ciddi hesabat blanklarının tətbiqi və uçotunun aparılması qaydaları yenilənib

Maliyyə Nazirliyi ciddi hesabat blanklarının tətbiqi və uçotunun aparılması üzrə yeni qaydaları qəbul edib. Qaydalar bu ilin 18 yanvarından qüvvədədir. 

Köhnə və yeni qaydaların müqayisəsi göstərir ki, onlar arasında prinsipial fərq yoxdur. Ciddi hesabat blanklarının tətbiqi və uçotunun aparılması üzrə köhnə qaydalar 30 noyabr 2007-ci ildən qüvvədə idi. 

Mühasibat uçotu subyektləri iş xüsusiyyətlərinə uyğun olaraq işləyib hazırladıqları ciddi hesabat blanklarının forma və rekvizitlərinin təsdiq edilməsi üçün Maliyyə Nazirliyinə müraciət etməlidirlər. Ciddi hesabat blanklarına əlavə rekvizitlər Maliyyə Nazirliyi ilə razılaşdırılaraq daxil edilir. Hesabat blankları həmin fəaliyyətə xüsusi razılıq  almış hüquqi və fiziki şəxslər ilə bağlanmış müqavilələr əsasında çap edilir.

Blanklar müvafiq qoruyucu nişanlara malik olan xüsusi surətçıxaran kağızda və ya adi kağızda çap olunur. Qaralamalara, düzəlişlərə yol verilmiş, yararsız hala düşmüş ciddi hesabat blankları etibarsız sayılır. 

Ciddi hesabat blanklarının istifadəsinə nəzarət Maliyyə Nazirliyi və Vergilər Nazirliyi tərəfindən həyata keçirilir. 08D

   

 

• Qaydalar
• MaliyyÉ™ Nazirliyi
• Mühasibat
• Uçot
• Ciddi Hesabat