Sumqayıt şəhərində təcili tibbi yardım avtomobilinin qapısı olmadan küçədə hərəkət etməsi görüntülənib.
Yeniavaz.com xəbər verir ki, 90-JX-608 dövlət qeydiyyat nişanlı ambulansın qapısı olmadan hərəkət etməsini əks etdirən kadrlar sosial şəbəkələrdə yayılıb.
Məsələ ilə bağlı TƏBİB-dən “Qafqazinfo”ya bildirilib ki, sözügedən görüntülər avtomobil təmirə aparılarkən çəkilib: “Məlum video 15 yanvar tarixində Sumqayıt Təcili və Təxirəsalınmaz Tibbi Yardım Stansiyasına aid olan və xidmətdən kənarda olan sanitar avtomobil təmirə göndərilərkən çəkilib.
Məlumat üçün bildirək ki, avtomobilin qapısında nasazlıq yarandığı üçün Sumqayıt bölməsinin qarajına təmirə göndərilib və artıq təmir edilən təcili tibbi yardım avtomobili təkrar xidmətə buraxılıb”.
