ABŞ-ın Los-Anceles şəhəri və ətraflarında günlərdir davam edən yanğınlarda ölənlərin sayının 25-ə yüksəldiyi, bölgədəki hava şəraitinin alov tornadolarına səbəb ola biləcəyi açıqlanıb.Los-Anceles səlahiyyətliləri şəhərdə 9 gündür davam edən meşə yanğınları ilə bağlı yenilənmiş təfərrüatları paylaşıb.Yanğınlarda həyatını itirənlərin sayının 25-ə yüksəldiyi, 12 mindən çox tikilinin dağıldığı qeyd edilib.Səlahiyyətlilər Palisades və Eaton bölgələrində günlərdir davam edən yanğının böyük ölçüdə nəzarət altına alındığını bildirib.Milli Meteoroloji Xidmət güclü külək və quru hava şəraiti səbəbindən yeni yanğınların başlaya biləcəyi barədə xəbərdarlıq edib.Küləklər təhlükəli həddə çatdıqdan sonra xidmət ərazidə yanğın xəbərdarlığının müddətini uzadıb.Səlahiyyətlilər yanğının yayılmasının qarşısını almaq üçün ərazidəki 77 mindən çox evin elektrik enerjisini kəsib.Meteoroloqlar bölgədəki hava şəraitinin yanğın tornadolarına səbəb ola biləcəyi barədə xəbərdarlıq ediblər.Hündürlüyü 10-50 metrə çata bilən nadir alov tornadoları yanğının intensivliyini artırır və alovun böyüməsinə səbəb olur.Yanvarın 7-də səhər saatlarında Los-Ancelesin müxtəlif yerlərində başlayan və güclü külək səbəbindən sürətlə yayılan yanğınlar indiyədək 37 min hektardan çox ərazini külə çevirib.Yanğınlarla əlaqədar 150 minə yaxın insan üçün təxliyə əmri verilib.Davam edən yanğınlar nəticəsində dəymiş ümumi zərər və iqtisadi itkilər 250-275 milyard dollar arasında qiymətləndirilir.
