Moskva ilə əlaqələri qorumaqda maraqlıyıq - Papikyan

Ermənistan Rusiya ilə münasibətləri yüksək səviyyədə saxlamaqda maraqlıdır.

Hurriyyet.Az TASS-a istinadən xəbər verir ki, bunu İrəvanda keçirilən mətbuat konfransında Ermənistan müdafiə naziri Suren Papikyan bildirib.

"İrəvan Moskva ilə yüksək səviyyəli əlaqələri qorumaqda maraqlıdır, lakin biz KTMT haqqında danışdığımızda obyektiv suallarla qarşılaşırıq. Bu suallara sağlam müzakirə əsnasında cavab verilməlidir", - deyə o bildirib.

Papikyan qeyd edib ki, Ermənistan de-fakto KTMT-nin fəaliyyətində iştirak etmir, lakin respublika Rusiya ilə münasibətlərə dair heç bir ikitərəfli sənədi ləğv etməyib və təşkilatdan çıxmayıb.