Bakıda restoranda soyğunçuluq hadisəsi baş verib.
Oxu24.com DİN-in Mətbuat xidmətinə istinadən xəbər verir ki, yanvarın 13-ü saat 03 radələrində naməlum şəxsin Nizami rayonu ərazisində 37 yaşlı M.Pənahova zor tətbiq edərək 150 manatını alması barədə polisə məlumat daxil olub.
Nizami RPİ-nin 25-ci Polis Şöbəsi əməkdaşlarının həyata keçirdikləri əməliyyat tədbirləri nəticəsində hadisəni törətmiş, əvvəllər oğurluq və narkotiklərlə əlaqəli cinayətlərə görə məhkum olunmuş 36 yaşlı Rahib Orcayev müəyyən olunaraq saxlanılıb.
Onun üzərinə baxış zamanı psixotrop maddə metamfetamin də aşkar olunaraq götürülüb.
Faktla bağlı araşdırmalar davam etdirilir.
Hadisənin görüntülərini təqdim edirik:
