Lənkəran rayonunun Siyavar kəndi yaxınlığında dənizdə itkin düşdükləri bildirilən 2 balıqçının axtarışları davam etdirilir. 41 yaşlı Mahmud İbayev və 57 yaşlı Nazim Abbasovdan hələ ki, bir xəbər yoxdur.
Xezerxeber.az xəbər verir ki, Mahmud İbayevin qardaşı Rəşad İbayevin sözlərinə görə, artıq 4 gün olacaq ki, axtarışlar davam edir.
Balıqçı Mahmudun həyat yoldaşı Zülfiyyə İbayeva da axtarış işlərinin heç bir nəticə vermədiyini, ümidlərin tükəndiyini bildirir.
Qeyd edək ki, bu gün də aidiyyəti üzrə balıqçıların axtarışları davam etdirilib.
Xezerxeber.az mövzu ilə bağlı daha ətraflı videomaterialı təqdim edir.
