ABŞ-ın yeni seçilmiş prezidenti Donald Trampın sosial media hesablarında TRUMP adlı yeni mem sikkənin buraxıldığı açıqlanıb.Trampın X və "Truth Social" hesablarında "Yeni rəsmi Trump memi burada!" ifadəsilə bazara çıxarılan yeni kriptovalyuta ilə bağlı elan yer alıb.Trampın yanvarın 20-də ABŞ prezidenti vəzifəsinin icrasına başlamazdan əvvəl verdiyi açıqlama sosial mediada diqqət çəkib və o “Çox xüsusi Tramp icmama qoşulun. Zövq alın" yazıb."Coinmarketcap" analiz şirkətinin məlumatlarına görə, son 24 saatda 92,5 faiz artaraq 12,5 dollara çatan TRUMP adlı mem sikkənin bazar dəyəri 2,5 milyard dollar civarındadır.Digər tərəfdən, bəzi istifadəçilər sosial şəbəkədəki elanın altında Trampın hesabının hakerlər tərəfindən ələ keçirilə biləcəyi ilə bağlı şərhlər yazıblar.Trampın açıqlamaları ilə paylaşdığı internet saytında TRUMP adlı sikkənin məşhur kriptovalyutalardan biri olan "Solana" şəbəkəsi üzərindən dövriyyəyə buraxıldığı görülüb və cəmi 200 milyon sikkənin dövriyyədə olduğu və bu məbləğin üç il ərzində 1 milyarda çatacağı bildirilir.Qərb mətbuatında yayılan xəbərlərə görə, Trampın hakimiyyətə gəlməsilə ABŞ-ın kriptovalyuta ehtiyatı yaradacağı, "Solana" və "Ripple" kimi ABŞ-a məxsus kriptovalyutalara sahib olacağı iddia edilmişdi.
