Bu gün kişi voleybolçular arasında təşkil olunmuş Azərbaycan çempionatında (Yüksək Liqa) 6-cı tura yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Xilasedici” autsayderlərdən biri olan “Gənclər”i sınağa çəkib. Fövqəladə Hallar Nazirliyinin idman zalında keçirilən görüşdə favorit üç setdə asan qələbə qazanıb.
Qeyd edək ki, turun ilk günündə MOİK “Murov”a 0:3 (17:25, 21:25, 14:25) hesabı ilə uduzub. “Azərreyl” isə “Neftçi”ni quru hesabla məğlub edib – 3:0 (25:23, 25:14, 25:20).
Yüksək Liqa
6-cı tur
18 yanvar
“Xilasedici” – “Gənclər” 3:0 (25:11, 25:15, 25:16)
Fövqəladə Hallar Nazirliyinin idman zalı.
Xallar: 1. Murov – 18. Xilasedici – 15. Azərreyl – 13. Neftçi – 8. Gənclər – 0. MOİK – 0.
