Tanınmış iş adamı, “Azərsun Holdinq”in prezidenti Abdolbari Gozal vəfat edib.
“Azərsun Holdinq”dən bildirilib ki, tanınmış iş adamı bu gün Dubayda xəstəlikdən vəfat edib.
Abdolbari Gozal 23 avqust 1949-cu ildə İranın Maku şəhərində, Cəlali qəbiləsindən Rza ağanın ailəsində dünyaya gəlib, milliyətcə kürddür. Daha sonradan isə buradan Türkiyənin Muş əyalətində yaşayan nənəsinin yanına köçmüşdür. O 1956–1961-ci illərdə ibtidai təhsilini Türkiyədə başa vurduqdan sonra, 1962–1965-ci illərdə orta təhsilini İranda tamamlamışdır.
1992-ci ilə qədər BƏƏ, Türkiyə, İran, İraq, Suriya, İordaniya kimi ölkələrdə müxtəlif şirkətlər yaradaraq iş fəaliyyəti qurmuşdur. Bu şirkətləri birləşdirmək və onlar arasındakı əlaqəni təmin etmək üçün Abdulbari Gözəl 1994-cü ildə Dubayda “İntersun Holding” adlı şirkətlər qrupunu yaratmışdır. 1992-ci ildən etibarən Azərbaycan və Gürcüstanda şirkətinin şöbələrini qurmuşdur.
Onun oğlu Tahir Gözəl “Qarabağ” futbol klubunun prezidentidir.
