"Mançester Yunayted"in sabiq baş məşqçisi Erik Ten Haq Dortmund "Borussiya"sını çalışdırmağa yaxındır.
QOL.az xəbər verir ki, bu barədə "Sky Sports" nəşri məlumat yayıb.
Almaniya klubunun hazırkı baş məşqçisi Nuri Şahin istefaya göndərilə bilər. Bu, Çempionlar Liqası çərçivəsində keçiriləcək "Bolonya"ya qarşı matçın nəticəsindən asılı olacaq. Ten Haq türkiyəli mütəxəssisin əvəzinə ciddi namizəd olaraq qalır.
Qeyd edək ki, "Borussiya" Bundesliqada 25 xalla 10-cu yerdədir.
