Donald Trampın ardınca onun həyat yoldaşı, ABŞ-nin yeni birinci xanımı Melaniya da öz memkoinini buraxıb.
Oxu24.com xəbər verir ki, Amerika liderinin həyat yoldaşının kriptovalyutası “$TRUMP” memkoininə bənzətməklə “$MELANIA” adlandırılıb. Melaniya Tramp “Truth Social”-da kriptovalyutanın istifadəyə verildiyini elan edib. “CoinMarketCap”-ın məlumatına görə, bir Melaniya memkoinini indi 0,03 dollara almaq olar.
Cümə günü Tramp öz kriptovalyutasını işə saldığını elan edib. Son 24 saat ərzində memkoin ticarətinin həcmi 11 milyard dolları keçib və kriptovalyutanın kapitallaşması hazırda 10,5 milyard dolları ötüb.
