Filarmoniyada 20 Yanvar Faciəsi qurbanlarının xatirəsinə həsr olunmuş anım gecəsi keçirildi

M.Maqomayev adına Azərbaycan Dövlət Akademik Filarmoniyasının səhnəsində 20 Yanvar Faciəsi qurbanlarının xatirəsinə həsr olunmuş anım gecəsi keçirildi. 20 Yanvar faciəsi xalqımızın hüzn və kədər, qürur və qəhrəmanlıq səhifəsi kimi yaddaşlara həkk olunub. Tədbirdən öncə şəhidlərimizin əziz xatirəsi bir dəqiqəlik sükutla yad edildi.

Dirijor Mustafa Mehmandarovun rəhbərliyi , Ü.Hacıbəyli adına Azərbaycan Dövlət Simfonik Orkestri (bədii rəhbər və baş dirijor Əməkdar artist Fuad İbrahimov) və Azərbaycan Dövlət Xor Kapellasının (bədii rəhbər Xalq artisti Gülbacı İmanova) müşayiəti ilə solist - Ayaz Kərimov (tenor) dinləyicilər qarşısında çıxış edib.

Proqramda A.Rzayev "Bakı-90" simfoniyası, R.Wagner "Ziqfridin ölümü və matəm marşı", R.Əliyev "Azadlığa gedən yollar", A.Əlizadə "Azərilər" kantatasından "Odlar yurdunun səsi" səslənib.

İnformasiya dəstəyi - Trend.Az, Day.Az, Milli.Az