Hindistanın Çhattisqarh və Odişa əyalətlərində təhlükəsizlik qüvvələri ilə maoçu üsyançılar arasında baş verən toqquşmalarda 14 üsyançı həlak olub.
7News.Az xarici mətbuata istinadən xəbər verir ki, polis sərhəd bölgəsində Chhattisgarh və Odisha əyalətlərində maoçu üsyançılarla təhlükəsizlik qüvvələri arasında toqquşmaların baş verdiyini bildirib.
Polisin bildirdiyinə görə, Odişa və Çhattisqarhın təhlükəsizlik qüvvələri meşəlik ərazidə maoçu üsyançıların olması xəbərindən sonra birgə əməliyyata başlayıb.
Çhattisqarh və Odişada Mərkəzi Ehtiyat Polis Qüvvələri və təhlükəsizlik qüvvələrinin keçirdiyi əməliyyatda ilkin məlumatlara görə 14 üsyançının öldürüldüyünü bildirib.
Təhlükəsizlik qüvvələrinin əməliyyat zamanı çoxlu sayda silah və partlayıcı maddə ələ keçirdiyi bildirilib.
