Türkiyənin Konya şəhərində yük maşınının dayanmış TIR-a çırpılması, sonra sərnişin avtobusunun da ona çırpılması nəticəsində baş verən yol qəzasında 3 nəfər ölüb, 33 nəfər yaralanıb.
Qaziler.az a-haber-ə istinadən bildirir ki, sürücüsü hələlik məlum olmayan yük maşını Afyonkarahisar-Konya yolunun İlgın rayonu girişində yol kənarında dayanmış TIR-a çırpılıb.
Ətrafdakı insanların qəza xəbər verməsi üzərinə çox sayda polis, jandarma, 112 Təcili Sağlamlıq və xilasetmə qrupları qəza yerinə sövq edildi. Qəzada 3 nəfər həyatını itirib, 33 nəfər yaralanıb.
Təcili yardımla şəhərdəki xəstəxanalara çatdırılan yaralılar arasında Konyadakı yarışa qatılan 6 qılıncoynatma idmançısının da olduğu öyrənilib.
Konya Qubernatorluğundan qəza ilə bağlı verilən açıqlamada bunlar qeyd edilib:
"3 nəfərin həyatını itirdiyi, 33 nəfərin yaralandığı qəzadan sonra dərhal əraziyə 112 Təcili Tibbi Yardım, xilasetmə, AFAD, jandarma və polis qrupları sövq edilib. Yaralı vətəndaşlarımız müxtəlif xəstəxanalara çatdırılıb və onlara tibbi yardım göstərilib. Araşdırma aparılır. Bu faciəli qəzada həyatını itirən vətəndaşlarımıza Allah rəhmət eləsin, yaralanan vətəndaşlarımıza şəfa diləyirik”.
QAZİLER.AZ
