Fərid Əzizov “Diaspor fəaliyyətində xidmətə görə” medalı ilə təltif olunub

Avstriya Azərbaycanlıları Cəmiyyətinin və Salzburg Azərbaycan Evinin rəhbəri Fərid Əzizov “Diaspor fəaliyyətində xidmətə görə” Azərbaycan Respublikasının medalı ilə təltif olunub.

Mia.az-ın məlumatına görə, Azərbaycan Respublikası Prezidenti İlham Əliyevin 25 dekabr 2019-cu il tarixli, 899 nömrəli Fərmanına əsasən “Diaspor fəaliyyətində xidmətə görə” medalı ilə təltif etmək səlahiyyəti Diasporla İş üzrə Dövlət Komitəsinə verilib.

Azərbaycan diasporunun fəaliyyətinə verilən mühüm töhfəyə görə təltif olunan Fərid Əzizov bildirib ki ,bu medal onun üçün çox dəyərlidir: "Bu fəxri ada məni layiq gördüyü üçün Diasporla İş üzrə Dövlət Komitəsinin rəhbəri Cənab Fuad Muradova öz minnətdarlığımı bildirirəm.

Bu medalı mən Avstriya Azərbaycanlıları Cəmiyyəti və Salzburg Azərbaycan Evi adına alıram və bundan sonrada Azərbaycan diasporunun inkişafı, ölkəmizin xaricdə tanıdılması istiqamətində fəaliyyətimizi dahada genişləndirəcəyik".

Samir

MİA.AZ

• Avstriya Azərbaycanlıları Cəmiyyəti
• İlham Əliyev
• Mədal
• Diaspor Fəaliyyətində Xidmət
• Fərid Əzizov
• Salzburg Azərbaycan Evi