Misli Premyer Liqasında 20-ci tur davam edir.
“İki sahil” xəbər verir ki, bu gün daha iki matç keçiriləcək.
Əvvəlcə “Səbail” öz meydanında “Kəpəz”i qəbul edəcək. Hazırda paytaxt klubu 12 xalla turnir cədvəlində sonuncu – 10-cu yeri tutur. Rəqibindən 2 xal artıq toplayan Gəncə klubu isə 9-cu pillədə qərarlaşıb.
"Kəpəz" qalib gələcəyi halda, yeganə izləyicisi ilə xal fərqini 5-ə qaldıracaq. "Səbail" uğur qazanacağı halda isə "Kəpəz"i 1 xal geridə qoymaqla 9-cu pilləyə yüksələcək.
Cari mövsüm bu iki komandanın qarşıdurmasında tərəflər hərəyə 1 qələbə qazanıblar. İlk dövrədə “Səbail” rəqibini 4:0 hesabı darmadağın edib. İkinci dövrədə isə üstün tərəf “Kəpəz” olub - 1:0.
Günün ikinci matçında “Sabah” öz meydanında “Sumqayıt”ı qəbul edəcək.
Misli Premyer Liqası
20-ci tur
25 yanvar
16:00. “Səbail” - “Kəpəz”
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev
VAR: Tural Qurbanov
AVAR: Elşad Abdullayev
“ASCO Arena”
18:30. “Sabah” - “Sumqayıt”
Hakimlər: Elçin Məsiyev, Pərvin Talıbov, Rəhman İmami, Rəşad Əhmədov
VAR: Nicat İsmayıllı
AVAR: Asiman Əzizli
“Bank Respublika Arena”
26 yanvar
16:00. “Araz-Naxçıvan” - “Neftçi”
18:30. “Qarabağ” - “Turan Tovuz”
24 yanvar
“Şamaxı” 1-2 “Zirə”
