Almaniyada 2-ci Bundesliqada 19-cu tur start götürüb.
Fanat.Az xəbər verir ki, Azərbaycan millisinin hücumçusu Mahir Emrelinin çıxış etdiyi “Nürnberq” səfərdə “Şalke” ilə qarşılaşıb.
Miroslav Klozenin baş məşqçisi olduğu komanda 1:3 hesabı ilə məğlub olub.
Emreli oyunun iştirakçısı olmayıb. Ümumiyyətlə, onun adı matçın protokoluna salınmayıb. Bu da Mahirin cəzalı olması ilə bağlıdır. Futbolçumuz ötən tur "Karlsrue" ilə matçda aldığı sarı vərəqə səbəbindən cəzalı duruma düşüb.
Hazırda 25 xalı olan “Nürnberq” turnir cədvəlinin 12-ci pilləsində mövqe tutub.
