Tarixində ilk dəfə Bundesliqaya çıxmağa yaxın olan "Maqdeburq" qeyri-adı göstəriciləri ilə diqqəti çəkir.
İdman.biz xəbər verir ki, 2-ci Bundesliqada çıxış edən komanda bu mövsüm öz meydanında qələbə qazana bilməyib.
"Maqdeburq" evdə keçirdiyi 9 oyundan 7-də heç-heçə edib, 2-də də uduzub.
Komanda səfərdə isə hamıdan yaxşı çıxış edir: 10 oyun, 8 qələbə, 1 heç-heçə və 1 məğlubiyyət.
Üçüncü mövsümdür 2-ci Bundesliqada çıxış edən "Maqdeburq" hazırda turnir cədvəlində liderlər "Hamburq" və "Köln"dən cəmi iki xal geri qalaraq 3-cü pillədə qərarlaşıb.
Qeyd edək ki, klub Almaniya Demokratik Respublikasını təmsil etdiyi 1974-cü ildə Avropada böyük uğura imza ataraq Kuboklar kubokunun qalibi olub.
İdman.biz
