Azərbaycan Basketbol Liqasında XII tura bu gün yekun vurulacaq.
"Report"un məlumatına görə, sonuncu oyunda "Şəki" "Ordu"nu qəbul edəcək.
Şəki Olimpiya İdman Kompleksindəki qarşılaşma saat 14:00-da start götürəcək. Meydan sahibləri B qrupunda 20 xalla ikinci, "Ordu" 19 xalla üçüncü pillədə qərarlaşıb.
Qeyd edək ki, turun əvvəlki matçlarında "Abşeron" "Sərhədçini" (86:79), "Sabah" "Neftçi"ni (75:65), "Sumqayıt" "Lənkəran"ı (93:90), "Gəncə" "Quba"nı (96:78), NTD isə "Naxçıvan"ı (90:70) məğlub edib.
