Səudiyyə Ərəbistanı hökuməti "Real"ın hökuməti "Real"da çıxış edən Vinisius Junior üçün futbol tarixinə düşəcək təklif hazırlayıb.
Sportal.az xəbər verir ki, ərəblər ölkə futbolunun səviyyəsini qaldırmaq məqsədilə ulduz futbolçu üçün fantastik məbləğ ödəməyə hazırdır. Bu barədə AS nəşri məlumat yayıb.
Hökumət braziliyalı vinger üçün ümumilikdə 1,3 milyard avro büdcə ayırıb. Belə ki, Səudiyyə Ərəbistanı rəsmiləri Vinisius üçün "Real"a 300 milyon avro, futbolçunun özünə isə illik 200 milyon avro olmaqla 5 illik müqavilə təklif edəcək.
Vinisiusu heyətinə qatmaq istəyən klubun adı açıqlanmayıb. Lakin həmin klubun "Əl-Hilal" və ya "Əl-Əhli"dən birinin olacağı iddia olunur.
Qeyd edək ki, "Real" Vinisius Junioru 2018-ci ilin yayında "Flamenqo"dan transfer edib. 24 yaşlı oyunçu bu mövsüm Madrid təmsilçisinin heyətində meydana çıxdığı 26 rəsmi matçda 16 qol və 10 məhsuldar ötürmə ilə yadda qalıb. Onun "kral klubu" ilə müqaviləsi 2027-ci ilin iyun ayına kimidir.
saytlarin hazirlanmasi
