"Qadağalar o vaxtlar daha ciddi idi. Ağır baxışlara qalib gəlmək böyük söhbət idi. Nə yaxşı ki, hər şeyə tərs getdim".
Milli.Az xəbər verir ki, bu sözləri Xalq artisti Aygün Kazımova "Afaqla onlar" verilişində deyib. Pop kraliça sənətə gəlmək üçün keçdiyi ağır yollardan danışıb. Kazımova ilk dəfə səhnəyə çıxanda qardaşından icazə almasından bəhs edib:
"Dedilər bu olmaz, dedim olar. Dedilər, bu mümkün deyil, dedim mümkündür. Dedilər alınmayacaq, dedim alınacaq. Qardaşımdan oxumaq üçün icazə alanda qayıtdı ki, nə edəcəksən? Cavab verdim ki, birinci yeri qazanım, oxumayacağam. Dedi ki, sən birinci yer qazanansan? Elə icazə aldım ki, elə bil dünyanı mənə bağışladılar". (Axşam.az)
Milli.Az
