"Həmkarlarla birlikdə Ankarada Azərbaycan, Türkiyə və Özbəkistanın xarici işlər, ticarət/iqtisadiyyat və nəqliyyat/infrastruktur nazirlərinin ikinci üçtərəfli görüşündə iştirak etmək xoş oldu".
İqtisadiyyat naziri Mikayıl Cabbarov sosial şəbəkə hesablarında paylaşımında bildirib ki, görüşdə ölkələrimizin iqtisadi əməkdaşlığını dərinləşdirmək, qarşılıqlı ticarət həcmlərini artırmaq, özəl sektorları yeni investisiya layihələri həyata keçirməyə təşviq etmək, rəqəmsal əməliyyatlara fəal dəstək üzrə təşəbbüslər nəzərdən keçirilib: "Birgə fəaliyyətimizi gücləndirmək üçün növbəti addımları müəyyənləşdirdik".
