Bakı, 7 yanvar, AZƏRTAC
Rusiyanın Samara vilayəti yaxınlığında baş verən avtomobil qəzası nəticəsində yeddi nəfər Qazaxıstan vətəndaşı xəsarət alıb.
AZƏRTAC Kazinform agentliyinə istinadla xəbər verir ki, yaralılar dərhal Qazaxıstanın Uralsk şəhərinin tibb müəssisələrinə aparılıb.
Qazaxıstan Səhiyyə Nazirliyinin açıqlamasına görə, zərərçəkənlərin vəziyyəti orta ağırdır. Onların bəzilərində beyin silkələnməsi, sınıqlar və hematomalar var.
Polis qəza ilə bağlı araşdırmalara başlayıb.
