Kaliforniyanın Malibu şəhərində teleaparıcı, aktrisa və model Paris Hiltonun evi tamamilə yanıb.
Modern.az xəbər verir ki, bu barədə TMZ portalı öz mənbələrinə istinadən məlumat yayıb.
Hiltonun həmin mənzildə daimi yaşamadığı qeyd olunur.
Nəşrin məlumatına görə, yanğın evdə olan bütün əmlakı məhv edib.
“Sözlə ifadə edilə bilməyəcək qədər ürəyim qırıldı. Xəbərləri izləmək və Malibudakı evimizin yanıb yerə yıxıldığını canlı olaraq izləmək heç kimin yaşamamalı olduğu bir şeydir”, - Paris Hilton hadisəyə belə münasibət bildirib.
Los-Ancelesdəki yanğınların sahəsi 10,8 min hektarı ötüb. ABŞ prezidenti Co Bayden İtaliyaya səfərini ləğv edib və ştatda fövqəladə vəziyyət elan edib. Yanğınlar nəticəsində azı 5 nəfər həlak olub , mindən çox bina dağılıb. 175 mindən çox sakin işıqsız qalıb.
