Sevincimdən gecəni də yata bilmədim. Bu gecə beş şeir də yazmışam.
Publika.az xəbər verir ki, bunları Cəbrayıl şəhərinə qayıdan keçmiş məcburi köçkün Elmira Aslanxanlı Turan deyib.
O, yurda qayıdış hissini ifadə etməkdə çətinlik çəkib:
“Cəbrayıla qayıdış sevincimi ifadə edə bilmirəm. Ürəyimdə sanki alov, qığılcım var. İşğaldan azad edilən rayon və kəndlərimizi qarış-qarış gəzmişəm”.
“Cəbrayılı tərk edəndə 38 yaşım vardı. Ömrümün ən enerjili, coşqun vaxtları idi. Mən 4-cü sinifdə oxuyandan şeirlər yazıram. Belə bir insanın yurdunu məcburən tərk etməsi ona necə təsir edə bilər?”, - Cəbrayıl sakini deyib.
