RU
Темы
Эконом
15.01.2025 ◦ 17:40

Taksilər yerli istehsal olan avtomobillərə keçəcək? — AÇIQLANDI

Yerli mediada gedən xəbərlərə görə, taksi sürücüləri arasında maraqlı müzakirə yayılıb. Onların bir çoxu yaxın vaxtlarda taksi şirkətlərinin əksəriyyətinin tamamilə yerli istehsal olan avtomobillərə keçəcəyini iddia edir. Sürücülərin fikrincə, hazırda istifadə edilən hibrid və elektromobil nəqliyyat vasitələri yavaş-yavaş yerli yığım maşınlarla əvəz olunacaq. 

Bu hadisənin baş verməsi nə qədər real görünür? 

Mövzu ilə bağlı nəqliyyat eksperti Aslan Əsədov Demokrat.az-a açıqlamasında bildirib ki, hazırda istifadə edilən hibrid və elektromobil nəqliyyat vasitələrinin yerli yığım maşınlarla əvəz olunması real görünmür:

“Bunun üçün vaxt lazımdır. Yayılan fikirlər əsassızdır. Azərbaycan üçün bu məsələ çox iddialıdır. Ona görə də belə hallar inandırıcı görünmür. Buna baxmayaraq çox müsbət bir fikirdir. Hazırda Azərbaycanın hibrid və elektromobil nəqliyyat vasitələrinin istehsal edəcəyi məsələsi hələ ki gündəmdə deyil. Çünki bu məsələyə kimi kifayət qədər problemlərimiz var. 

Ölkəyə gətirilən avtomobillər və onların ehtiyat hissələrinin prosedurları üçün müəyyən servis xidmətləri var. Bunlar hamısı ayrılıqda özü bir müzakirə mövzusudur. Bu məsələ ilə ancaq müzakirə aparıla bilər. Məsələ isə real görünümür”. 


Leyla Turan
Demokrat.az
Избранный
42
20
demokrat.az

10Источники