Qrenlandiya müstəqilliyinə özü qərar verəcək. Bunu Danimarkanın baş naziri Mette Frederiksen ABŞ-ın yeni seçilmiş prezidenti Donald Trampla telefon danışığında deyib.
"Söhbətdə baş nazir Qrenlandiyanın Nazirlər Kabinetinin sədri Mute Egedenin Qrenlandiyanın satılmaması ilə bağlı bəyanatına istinad edib. Baş nazir bildirib ki, müstəqillik haqqında qərar Qrenlandiyanın özü tərəfindən verilməlidir", - Danimarka Baş Nazirinin dəftərxanası bildirib.
Frederiksen və Tramp Arktikada təhlükəsizliyin gücləndirilməsini də müzakirə ediblər. Danimarkanın baş naziri ölkəsinin regionda təhlükəsizlik üçün daha böyük məsuliyyəti öz üzərinə götürməyə hazır olduğunu bildirib.
Yanvarın 7-də Tramp bildirib ki, milli təhlükəsizlik baxımından Qrenlandiya Birləşmiş Ştatların bir hissəsi olmalıdır. Hələ 2019-cu ildə, prezident kimi ilk müddətində o, ABŞ-ın Danimarkanın tərkibində olan və geniş muxtariyyət hüquqları olan Qrenlandiyanı ala biləcəyini söylədi. O vaxt olduğu kimi, Qrenlandiya və Danimarka hakimiyyəti bu ideyanı absurd elan etdi.
Oxuməni.az
