Bu gün Bakının bütün mikrorayonlarında və Rəsulzadə qəsəbəsinin bir hissəsində - "Vorovski" ərazisində suyun verilməsində fasilə yaranacaq. Buna səbəb su xəttində baş verən qəzanın aradan qaldırılması işləridir.
Xezerxeber.az xəbər verir ki, bu barədə Azərbaycan Dövlət Su Ehtiyatları Agentliyinin tabeliyindəki İri Şəhərlərin Birləşmiş Su Təchizatı Xidməti məlumat yayıb.
Məlumata görə, saat 19:00-dan sonra su təchizatı əvvəlki rejimlə bərpa olunacaq.
