Britaniyanın enerji şirkəti British Petroleum (BP) pula qənaət etmək üçün minlərlə işçisini ixtisar edəcək.
NOCOMMENT.az xəbər verir ki, bu barədə CNBC məlumat yayıb.
Ən böyük neft şirkətlərindən biri işçilərinin beş faizini (təxminən 4,7 min nəfər) ixtisar etmək niyyətindədir. Konsern üç min podratçının xidmətlərindən də imtina edəcək.
“Biz bu gün işçilərə bildirdik ki, təklif olunan dəyişikliklər təxminən 4700 vəzifəyə təsir edəcək ki, bu da bu il gözlənilən azalmaların əksəriyyətini təşkil edir” dedi şirkət.
2026-cı ilin sonuna qədər ən azı 2 milyard dollar qənaət edəcəyini vəd edən CEO Murray Auchincloss-un çıxışından sonra şirkətdə kütləvi ixtisarlar baş verəcək. Hazırda BP-nin 87,8 min nəfərə yaxın işçi heyəti var.
Son zamanlar BP Avropadakı rəqiblərindən geri qalır və enerji bazarının iştirakçıları şirkətin investisiya cəlbediciliyinə şübhə ilə yanaşırlar. Neft hasilatının daha da azalması fonunda rəhbərlik neft emalı zavodlarının rentabelliyinin və emal həcmlərinin azalmasının mənfəətin 100-300 milyon dollar azalmasına səbəb olacağını gözləyir.
BP artıq 2030-cu ilə qədər neft və qaz hasilatını azaltmaq iddialı hədəfindən əl çəkib və aşağı karbonlu hidrogenə investisiyanı azaldıb və ABŞ- da quruda yerləşən külək stansiyalarını satmağı planlaşdırır. Şirkət 2022-ci ildə Rusiyanı tərk etməsi ilə bağlı itkilərə görə rekordçular sırasında olub. Onun itkiləri 25,52 milyard dollar təşkil edir. Britaniyanın çoxmillətli yanacaq şirkəti 2022-ci ilin mart ayında Rusiyadan neft və qaz almaq üçün yeni sövdələşmələrə girməyi dayandıracağını bildirib.
