Suriyada yeni hakimiyyətin lideri Əhməd əl-Şara mövcud situasiyalarla bağlı İngiltərənin “Reuters” agentliyinə açıqlama verib.
Publika.az xəbər verir ki, o, İsrailin Suriya ərazisində irəliləməsi məsələsinə aydınlıq gətirib.
"İsrailin bölgəyə müdaxilələri İran milisləri və Hizbullahın mövcudluğu ilə bağlı idi. Hesab edirəm ki, Dəməşqin azad edilməsindən sonra onların artıq heç bir mövcudluğu yoxdur. İsrailin bu gün Suriya və bufer zonasına doğru irəliləmək üçün müxtəlif bəhanələri var", - o bildirib.
Əl-Şara vurğulayıb ki, ölkəsi BMT qüvvələrini təşkilatın İsraillə yaratdığı bufer zonaya qəbul etməyə hazırdır.
