ABŞ-ın yeni seçilmiş prezidenti Donald Tramp inauqurasiyanın səhəri günü miqrantları ölkədən çıxarmağa başlayacaq.
Teleqraf.com xəbər verir ki, irimiqyaslı reydlər Çikaqodan, İllinoys ştatından başlanacaq.
"The Wall Street Journal"-ın məlumatına görə, çərşənbə axşamı başlayan əməliyyatlar həftə sonunadək davam edəcək. Prosesə miqrasiya və gömrük xidmətlərinin 200 nəfərə yaxın əməkdaşı cəlb olunacaq. İlk mərhələdə kriminal keçmişi olan qeyri-leqal miqrantlar ölkədən çıxarılacaq. Çikaqodan sonra reydlər Nyu-Yorkda, Los-Ancelesdə, Denverdə, Mayamidə və başqa iri şəhərlərdə həyata keçiriləcək.
Müəllif: Teleqraf.com
